പാമ്പുകടിയേറ്റ് യുവതി മരിച്ചു

ഇരിക്കൂർ: പട്ടാന്നൂർ ചോലയിലെ പരേതരായ എം. ഗോപാലൻ കണ്ടമ്പേത്ത് ജാനകിയുടെ മകൾ കെ. സുശീല (48) നിര്യാതയായി. ശനിയാഴ്ച രാവിലെ വീട്ടിൽനിന്ന് ജോലിക്ക് പോകവെ റോഡരികിൽ നിന്നാണ് പാമ്പുകടിയേറ്റത്. പ്രാഥമിക ചികിത്സക്കുശേഷം പരിയാരം ഗവ. മെഡിക്കൽ കോളജിലേക്ക് പോയെങ്കിലും വഴിമധ്യേ മരിക്കുകയായിരുന്നു. ഭർത്താവ്: മുകുന്ദൻ പൊറോറ. മക്കൾ: മനീഷ, അശ്വന്ത്. സഹോദരങ്ങൾ: രോഹിണി, ഭാർഗവി, പരേതനായ കൃഷ്ണൻ. പോസ്റ്റ്മോർട്ടത്തിന് ശേഷം മൃതദേഹം ഞായറാഴ്ച രാവിലെ എട്ടിന് ചോല പൊതുജനവായനശാലക്ക് സമീപം പൊതുദർശനത്തിന് വെക്കും. സംസ്കാരം ഒമ്പതിന് കൂടാളി പഞ്ചായത്ത് ശ്മശാനത്തിൽ (നാലുപെരിയ).