ക്രിക്കറ്റ് ടൂർണമെൻറ്: മുബാറക് ഹയർ സെക്കൻഡറിക്ക് ജയം

ക്രിക്കറ്റ് ടൂർണമൻെറ്: മുബാറക് ഹയർ സെക്കൻഡറിക്ക് ജയം തലശ്ശേരി: എം.എം. പ്രദീപ് മെമ്മോറിയൽ ട്രോഫിക്കുവേണ്ടിയുള്ള ബി.കെ 55 സ്കൂൾ ക്രിക്കറ്റ് ലീഗ് ടൂർണമൻെറ് ഉദ്ഘാടന മത്സരത്തിൽ തലശ്ശേരി മുബാറക് ഹയർസെക്കൻഡറി തലശ്ശേരി ഗവ. ബ്രണ്ണൻ ഹയർസെക്കൻഡറിയെ മൂന്നു വിക്കറ്റിന് പരാജയപ്പെടുത്തി. ആദ്യം ബാറ്റ് ചെയ്ത ബ്രണ്ണൻ ഹയർസെക്കൻഡറി സ്കൂൾ 19.4 ഓവറിൽ 57 റൺസിന് എല്ലാവരും പുറത്തായി. മറുപടിയായി മുബാറക് ഹയർസെക്കൻഡറി സ്കൂൾ 13 ഓവറിൽ ഏഴു വിക്കറ്റ് നഷ്ടത്തിൽ വിജയലക്ഷ്യം നേടി. 21 റൺസും മൂന്നു വിക്കറ്റും നേടി മുബാറക് താരം എസ്. കേശവ് കളിയിലെ താരമായി. ജില്ല ക്രിക്കറ്റ് അസോസിയേഷൻ സെക്രട്ടറി വി.പി. അനസ് ടൂർണമൻെറ് ഉദ്ഘാടനം ചെയ്തു. ജില്ല ലീഗ് കൺവീനർ കെ. നവാസ് അധ്യക്ഷത വഹിച്ചു. സാഹിർ കാത്താണ്ടി, ടി. നൗഫൽ, മനോഹരൻ എന്നിവർ സംസാരിച്ചു. എ.സി.എം. ഫിജാസ് അഹമ്മദ് സ്വാഗതവും പി. നവാസ് നന്ദിയും പറഞ്ഞു. വ്യാഴാഴ്ച രാവിലെ നടക്കുന്ന മത്സരത്തിൽ തലശ്ശേരി സൻെറ് ജോസഫ്സ് ഹയർസെക്കൻഡറി സ്കൂൾ മമ്പറം ഹയർസെക്കൻഡറി സ്കൂളിനെ നേരിടും.