ഉപജില്ല കലോത്സവം: അറബിക് സാഹിത്യോത്സവത്തിൽ മുബാറക്കും തിരുവങ്ങാടും ചാമ്പ്യന്മാർ

തലശ്ശേരി: തലശ്ശേരി സൗത്ത് ഉപജില്ല സ്കൂൾ കലോത്സവം അറബിക് സാഹിത്യോത്സവത്തിൽ എൽ.പി വിഭാഗത്തിൽ മദ്റസത്തുൽ അൻവാരി യ എൽ.പിയും യു.പി വിഭാഗത്തിൽ മുബാറക് ഹയർസെക്കൻഡറിയും ഹൈസ്കൂൾ വിഭാഗത്തിൽ തിരുവങ്ങാട് ഗവ. ഗേൾസ് ഹയർ സെക്കൻഡറിയും ചാമ്പ്യന്മാരായി. എൽ.പി വിഭാഗത്തിൽ തിരുവങ്ങാട് ഗവ. ഗേൾസ് ഹയർസെക്കൻഡറി പുന്നോൽ മാപ്പിള എൽ.പി എന്നിവ രണ്ടാം സ്ഥാനം പങ്കിട്ടു. പാറാൽ മാപ്പിള എൽ.പി മൂന്നാം സ്ഥാനം നേടി. യു.പിയിൽ പാറാൽ ഡി.ഐ.യു.പി രണ്ടും തലശ്ശേരി ഗവ. ഗേൾസ് ഹയർസെക്കൻഡറി മൂന്നും സ്ഥാനം നേടി. ഹൈസ്കൂൾ വിഭാഗത്തിൽ തലശ്ശേരി മുബാറക് ഹയർസെക്കൻഡറി രണ്ടും കൊടുവള്ളി ഗവ. വൊക്കേഷനൽ ഹയർസെക്കൻഡറി മൂന്നും സ്ഥാനം നേടി.