ജില്ല ഡി ഡിവിഷൻ ലീഗ്: പെരിങ്ങോം ബോൺസർ ക്രിക്കറ്റ് ക്ലബിന് ജയം

തലശ്ശേരി: കോണോർവയൽ ക്രിക്കറ്റ് സ്റ്റേഡിയത്തിൽ നടന്ന കണ്ണൂർ ജില്ല ഡി ഡിവിഷൻ ലീഗ് ക്രിക്കറ്റിൽ പെരിങ്ങോം ബോൺസർ ക്രിക്കറ്റ് ക്ലബ് ആറു വിക്കറ്റിന് തളിപ്പറമ്പ് പരപ്പൂൽ ക്രിക്കറ്റ് ക്ലബിനെ പരാജയപ്പെടുത്തി. ആദ്യം ബാറ്റ് ചെയ്ത പരപ്പൂൽ ക്രിക്കറ്റ് ക്ലബ് 10.3 ഓവറിൽ 58 റൺസിന് എല്ലാവരും പുറത്തായി. മറുപടിയായി ബോൺസർ ക്രിക്കറ്റ് ക്ലബ് ഏഴ് ഓവറിൽ നാലു വിക്കറ്റ് നഷ്ടത്തിൽ വിജയലക്ഷ്യം നേടി. 30 റൺസും മൂന്നു വിക്കറ്റും നേടി ബോൺസർ ക്രിക്കറ്റ് ക്ലബ് താരം അർജുൻ ബാബു മാൻ ഓഫ് ദ മാച്ചായി. വ്യാഴാഴ്ച ഉച്ചക്ക് നടക്കുന്ന മത്സരത്തിൽ കോളയാട് സ്പോർട്സ് അക്കാദമി പെരിങ്ങോം ബോൺസർ ക്രിക്കറ്റ് ക്ലബിനെ നേരിടും.