ജനപങ്കാളിത്തംകൊണ്ട്​ ശ്രദ്ധനേടി കേരളോത്സവ കായിക മത്സരം

പാനൂർ: കേരളോത്സവത്തിൻെറ ഭാഗമായുള്ള കായിക മത്സരങ്ങൾ വഴിപാടാകുന്ന കാലത്ത് ജനകീയ പങ്കാളിത്തത്തോടെ നടത്തി തൃപ് രങ്ങോട്ടൂർ പഞ്ചായത്ത് മാതൃകയായി. കല്ലിക്കണ്ടി എൻ.എ.എം കോളജ് ഗ്രൗണ്ടിലായിരുന്നു മത്സരം. വൈസ് പ്രസിഡൻറ് തെക്കയിൽ സക്കീന മത്സരം ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ സമീർ പറമ്പത്ത് അധ്യക്ഷത വഹിച്ചു. നസീമ ചാമാളയിൽ, നെല്ലുർ ഇസ്മയിൽ, എ.പി. ഇസ്മയിൽ, എ.സി. ഷെറീന, വി.കെ. ചന്ദ്രി, എ.പി. വസന്ത, യൂത്ത് കോഓഡിനേറ്റർ ഹരീഷ്, അനീഷ് കുമാർ എന്നിവർ സംസാരിച്ചു. സി. സത്യൻ സ്വാഗതം പറഞ്ഞു.