വാളയാർ: യൂത്ത് ലീഗ്‌ പ്രതിഷേധം

പുതിയതെരു: സ്ത്രീസുരക്ഷ പറഞ്ഞ്‌ അധികാരത്തിലേറിയ പിണറായി സർക്കാർ പീഡകർക്കും കൊലപാതകികൾക്കും ഓശാന പാടുകയാണെന്ന് അഴീക്കോട്‌ മണ്ഡലം യൂത്ത്‌ ലീഗ്‌ കമ്മിറ്റി ആരോപിച്ചു. വാളയാറിലെ പെൺകുട്ടികൾക്ക്‌ നീതി നൽകാത്ത സർക്കാറിനെതിരെ പുതിയതെരുവിൽ പ്രതിഷേധ പ്രകടനവും പ്രതിഷേധ ജ്വാലയും നടത്തി. മുസ്ലിം ലീഗ്‌ മണ്ഡലം പ്രസിഡൻറ് കെ.വി. ഹാരിസ്‌ ഉദ്ഘാടനം ചെയ്തു. വി.കെ. മുഹമ്മദലി അധ്യക്ഷത വഹിച്ചു. അശ്കർ കണ്ണാടിപ്പറമ്പ്, കെ.കെ. ഷിനാജ്‌, ബി.കെ. അഹമ്മദ്‌, അജ്മൽ മാങ്കടവ്‌ എന്നിവർ സംസാരിച്ചു.