അഴീക്കോട് തെരുവുനായ ശല്യം രൂക്ഷം, കാൽനടയാത്രക്കാരനെ ആക്രമിച്ചു

അഴീക്കോട്: അഴീക്കോട് തെരുവ് നായ ശല്യം രൂക്ഷം. റോഡിലൂടെ നടന്നുപോവുകയായിരുന്ന യുവാവിനെ തെരുവുനായ ആക്രമിച്ചു പര ിക്കേൽപ്പിച്ചു . അഴീക്കോട് സൗത്തിലെ മുനക്കന്‍റവിട സുജിത്തിന് (45) ആണ് കഴിഞ്ഞ ദിവസം പകൽ തെരുവുനായയുടെ കടിയേറ്റത്. വീടിന് സമീപത്തെ റോഡിലൂടെ നടന്നുപോകുമ്പോൾ പിറകിൽ നിന്നും ഓടിവന്ന തെരുവുനായ കടിക്കുകയായിരുന്നു. കാലിനു പരിക്കേറ്റ ഇയാളെ ജില്ലാ ആശുപത്രിയിൽ പ്രവേശിപ്പിച്ചു. കഴിഞ്ഞ ഒരുമാസത്തിനിടെ പത്തോളം പേർ തെരുവ് നായയുടെ ആക്രമണത്തിന് ഇരയായിട്ടുണ്ട് . പകൽ സമയത്ത് പോലും, കുട്ടിക്കൾക്കും, വിദ്യാർത്ഥികൾക്കും, പ്രായമായവർക്കും റോഡിലിറങ്ങി നടക്കാൻ പറ്റാത്ത സ്ഥിതിയുണ്ടായിട്ടും ബന്ധപ്പെട്ട അധികൃതരുടെ ഭാഗത്ത് നിന്നും യാതൊരു നടപടിയുമില്ലാത്തതിൽ നാട്ടുകാരിൽ ആക്ഷേപമുണ്ട്.