തോക്കുചൂണ്ടി ഭീഷണി: പൊലീസ് കസ്​റ്റഡിയിലെടുത്ത 19കാരനെ ജാമ്യത്തിൽ വിട്ടു

തലശ്ശേരി: രാത്രിയിൽ റോഡിലിറങ്ങി തോക്കുചൂണ്ടി വഴിയാത്രികരെ ഭീഷണിപ്പെടുത്തിയെന്ന പരാതിയിൽ പൊലീസ് പിടികൂടിയ 19കാരനെ ചോദ്യംചെയ്ത് മൊഴിയെടുത്തശേഷം ജാമ്യത്തിൽ വിട്ടയച്ചു. പുന്നോൽ കിടാരംകുന്ന് സ്വദേശിയെയാണ് തിങ്കളാഴ്ച രാത്രി ന്യൂ മാഹി പൊലീസ് കസ്റ്റഡിയിലെടുത്തത്. രാത്രി മാഹി തിരുനാളിന് പോകുന്നതിനിടയിലാണത്രെ യുവാവിൻെറ ഭീഷണിപ്പെടുത്തൽ. തീവ്രവാദിയെന്ന് പ്രചരിക്കപ്പെട്ടതോടെയാണ് പൊലീസെത്തിയത്. പൊലീസ് ചോദ്യംചെയ്തപ്പോൾ ഓൺലൈൻ ഇടപാടിൽ വാങ്ങിയ എയർഗണ്ണാണ് പ്രയോഗിച്ചതെന്ന് കണ്ടെത്തി. ഡിവൈ.എസ്.പി കെ.വി. വേണുഗോപാലി‍ൻെറ സാന്നിധ്യത്തിൽ കൂടുതൽ ചോദ്യം ചെയ്തശേഷം ജാമ്യത്തിൽ വിട്ടയക്കുകയായിരുന്നു.