പ്രീ പ്രൈമറി അധ്യാപികമാരുടെ മാർച്ച്​

കണ്ണൂർ: കേരള സ്റ്റേറ്റ് പ്രീ പ്രൈമറി ടീച്ചേഴ്സ് അസോസിയേഷൻ ജില്ല കമ്മിറ്റിയുടെ നേതൃത്വത്തിൽ പ്രീ പ്രൈമറി അധ് യാപികമാരും ജീവനക്കാരും കലക്ടറേറ്റ് മാർച്ചും ധർണയും നടത്തി. സർക്കാർ, എയ്ഡഡ് വ്യത്യാസമില്ലാതെ പ്രീ പ്രൈമറി ജീവനക്കാരെ അംഗീകരിക്കുക, മികവിനുള്ള വിദ്യാഭ്യാസത്തിനായി ഖാദർ കമീഷൻ റിപ്പോർട്ട് ചർച്ചചെയ്ത് നടപ്പാക്കുക, എയ്ഡഡ് മേഖലയിലെ ജീവനക്കാർക്കും അധ്യാപകർക്കും ഉടൻ ഒാണറേറിയം നൽകുക തുടങ്ങിയ ആവശ്യങ്ങൾ ഉന്നയിച്ചാണ് മാർച്ചും ധർണയും. സി.െഎ.ടി.യു ജില്ല ജനറൽ സെക്രട്ടറി കെ. മനോഹരൻ ഉദ്ഘാടനംചെയ്തു. കെ.എസ്.പി.പി.ടി.എ ജില്ല പ്രസിഡൻറ് കെ. റീജ അധ്യക്ഷതവഹിച്ചു. എ.കെ. ബീന, കെ. ബിന്ദു, ഷീബ എന്നിവർ സംസാരിച്ചു.