വിജ്ഞാനോത്സവം

കൂത്തുപറമ്പ്: ശാസ്ത്ര സാഹിത്യ പരിഷത്ത് പാട്യം പഞ്ചായത്ത് കമ്മിറ്റിയുടെ നേതൃത്വത്തിൽ യുറീക്ക സംഘടിപ്പിച്ചു. പാട്യം വെസ്റ്റ് യു.പി സ്കൂളിൽ നടന്ന പരിപാടി കൂത്തുപറമ്പ് ബ്ലോക്ക് പഞ്ചായത്ത് പ്രസിഡൻറ് എ. അശോകൻ ഉദ്ഘാടനം ചെയ്തു. പഞ്ചായത്ത് വികസന സ്റ്റാൻഡിങ് കമ്മിറ്റി ചെയർമാൻ കെ. പ്രവീൺ കുമാർ അധ്യക്ഷത വഹിച്ചു. സ്കൂൾ പ്രധാനാധ്യാപിക മല്ലികാ റാണി, പി.ടി.എ പ്രസിഡൻറ് സി.കെ. മനേഷ്, ടി.ടി. രാജൻ, യു.കെ. സമീർ തുടങ്ങിയവർ സംസാരിച്ചു. വിദ്യാഭ്യാസ വകുപ്പുമായി സഹകരിച്ചാണ് സംഘടിപ്പിച്ചിട്ടുള്ളത്.