ജോബ് ഫെയർ 28ന് മാഹിയിൽ

മാഹി: പള്ളൂരിലെ മാഹി കോഓപറേറ്റിവ് കോളജിലെ പ്ലേസ്മൻെറ് സെല്ലും വെസ്പോ എച്ച്.ആർ ക്ലബ് റിക്രൂട്ടിങ് ഏജൻസിയും ചേർന്ന് സെപ്റ്റംബർ 28ന് മാഹിയിൽ സൗജന്യ കാമ്പസ് ജോബ് ഫെയർ നടത്തുമെന്ന് കോളജ് പ്രിൻസിപ്പൽ ഡോ. വി. തിലഗവതി വാർത്തസമ്മേളനത്തിൽ അറിയിച്ചു. ഫെയറിൽ വിവിധ വിഷയങ്ങളിൽ എൻജിനീയറിങ്, ഡിഗ്രി, പി.ജി നേടിയവർക്കും അവസാന വർഷ വിദ്യാർഥികൾക്കും ഈ കോളജിന് പുറത്തുള്ള യോഗ്യരായ മറ്റ് ഉദ്യോഗാർഥികൾക്കും പങ്കെടുക്കാം. ഫോൺ: 04902334364. പ്രവേശനം സൗജന്യമാണ്. ഷിജിൻ അളകാപുരി, ഷംന ബീബി, ഖലീൽ റഹ്മാൻ, തമാം മുബാരിഷ്, ഡിക്സൺ വർഗീസ്, സന്ദീപ് കുമാർ എന്നിവർ വാർത്തസമ്മേളനത്തിൽ സംബന്ധിച്ചു.