നജ്ബുളി​െൻറ മരണത്തില്‍ ഉന്നതതല അന്വേഷണം വേണമെന്ന് ബി.ജെ.പി

നജ്ബുളിൻെറ മരണത്തില്‍ ഉന്നതതല അന്വേഷണം വേണമെന്ന് ബി.ജെ.പി ചെറുപുഴ: പാടിയോട്ടുചാല്‍ വയക്കരയില്‍ മര്‍ദനത്തിനിരയായ ഇതര സംസ്ഥാന തൊഴിലാളി നജ്ബുള്‍ (24) സ്വദേശത്തെത്തിയ ശേഷം മരിച്ച സംഭവത്തില്‍ കേസെടുത്ത് ഉന്നതതല അന്വേഷണം നടത്തണമെന്ന് ബി.ജെ.പി പെരിങ്ങോം വയക്കര പഞ്ചായത്ത് കമ്മിറ്റി ആവശ്യപ്പെട്ടു. ആള്‍ക്കൂട്ടത്തിൻെറ മര്‍ദനമേറ്റതാണ് നജ്ബുള്‍ മരിക്കാന്‍ കാരണമെന്ന സഹോദരൻെറ വെളിപ്പെടുത്തല്‍ പരാതിയായി പൊലീസ് പരിഗണിക്കണം. അന്വേഷണം നടത്തി കുറ്റക്കാരെ പിടികൂടിയില്ലെങ്കില്‍ ബി.ജെ.പി പ്രക്ഷോഭം ആരംഭിക്കുമെന്ന് ഭാരവാഹികളായ എം.കെ. മുരളി, തമ്പാന്‍ തവിടിശ്ശേരി, പി.വി. ചന്ദ്രന്‍, കെ.വി. രാമചന്ദ്രന്‍ എന്നിവര്‍ അറിയിച്ചു.