ട്രെയിൻ തടഞ്ഞ കേസിൽ 11പേർക്ക് ശിക്ഷ

ചെറുവത്തൂർ: കേന്ദ്ര സർക്കാറിൻെറ ജനദ്രോഹ നടപടിയിൽ പ്രതിഷേധിച്ച് 2018 ഡിസംബർ എട്ടിന് ഐക്യ ട്രേഡ് യൂനിയൻെറ നേതൃത്വത്തിൽ ചെറുവത്തൂരിൽ ട്രെയിൻ തടഞ്ഞ കേസിൽ തലശ്ശേരി സി.ജെ.എം കോടതി പ്രതികൾക്ക് ശിക്ഷ വിധിച്ചു. 2500 രൂപ പിഴയും കോടതി പിരിയുംവരെ തടവുമാണ് ശിക്ഷ. ടി.വി. കുഞ്ഞിരാമൻ, വി.വി. ചന്ദ്രൻ, ടി.വി. ഗോവിന്ദൻ, എം. അമ്പൂഞ്ഞി, കെ.കുഞ്ഞിക്കണ്ണൻ, പി.കമലാക്ഷൻ, പി.പത്മിനി, കെ.വി.കുഞ്ഞമ്പാടി, വി.ശശി, എ.അമ്പൂഞ്ഞി, പി.വിജയകുമാർ, പി.കുഞ്ഞമ്പു എന്നിവർക്കാണ് ശിക്ഷ.