'വയറെരിയാത്ത പെരിങ്ങത്തൂർ' കാരുണ്യപദ്ധതിക്ക് തുടക്കമായി

പെരിങ്ങത്തൂർ: ഐ.ആർ.പി.സി പെരിങ്ങത്തൂർ ലോക്കൽ ഗ്രൂപ്പിൻെറ നേതൃത്വത്തിൽ 'വയറെരിയാത്ത പെരിങ്ങത്തൂർ' കാരുണ്യപദ്ധതിക്ക് തുടക്കമായി. കിടഞ്ഞി യു.പി സ്കൂളിൽ സംസ്ഥാന സഹകരണ െഡപ്പോസിറ്റ് ഗാരൻറി ഫണ്ട് വൈസ് ചെയർമാൻ പി. ഹരീന്ദ്രൻ പദ്ധതി ഉദ്ഘാടനം ചെയ്തു. കെ. ചന്തു അധ്യക്ഷത വഹിച്ചു. ലോക്കലിൽ പ്രാദേശിക സർവേയിലൂടെ കണ്ടെത്തിയ നിർധനരായ കുടുംബങ്ങൾക്ക് മാസാമാസം ഭക്ഷ്യ ഉൽപന്നങ്ങൾ നൽകുന്ന പദ്ധതിക്ക് സഹായഹസ്തമായി നിരവധിപേരാണ് സഹകരിക്കാൻ തയാറായി മുന്നോട്ടുവന്നത്. സി.പി.എം പെരിങ്ങത്തൂർ ലോക്കൽ സെക്രട്ടറി പി. മനോഹരൻ, പി. കബീർ എന്നിവർ സംസാരിച്ചു.