കവിയൂർ രാജൻ രക്തസാക്ഷി ദിനാചരണം

ചൊക്ലി: കവിയൂർ രാജൻെറ 39ാം രക്തസാക്ഷി ദിനാചരണം ആചരിച്ചു. രാവിലെ പ്രകടനവും സ്മൃതികുടീരത്തിൽ പുഷ്പാർച്ചനയും നടന്നു. സി.പി.എം പാനൂർ ഏരിയ കമ്മിറ്റി അംഗങ്ങളായ കെ.പി. വിജയൻ, വി.കെ. രാകേഷ്, എൻ. അനൂപ് എന്നിവർ അനുസ്മരണ പ്രഭാഷണം നടത്തി. വൈകീട്ട് കവിയൂർ ഈസ്റ്റ് അംബേദ്കർ സാംസ്കാരിക നിലയം പരിസരത്ത് നടന്ന കുടുംബസംഗമം സി.പി.എം ജില്ല കമ്മിറ്റി അംഗം കെ.വി. സുമേഷ് ഉദ്ഘാടനം ചെയ്തു. ചൊക്ലി സൗത്ത് ലോക്കൽ സെക്രട്ടറി കെ.ടി.കെ. പ്രദീപൻ അധ്യക്ഷത വഹിച്ചു. പാനൂർ ഏരിയ സെക്രട്ടറി കെ.ഇ. കുഞ്ഞബ്ദുല്ല, കവിയൂർ രാജഗോപാലൻ, കെ.കെ. ശ്രീജ എന്നിവർ സംസാരിച്ചു. എം.ഒ. ചന്ദ്രൻ സ്വാഗതം പറഞ്ഞു.