കവർച്ചക്കേസിലെ പ്രതികളെ ​െപാലീസ് ഓടിച്ച് പിടികൂടി

പാനൂർ: ഒമ്പതു ലക്ഷത്തോളം രൂപ കവർച്ചചെയ്ത നാല് പ്രതികളെ പാനൂർ സി.ഐയും സംഘവും ഓടിച്ച് പിടികൂടി. കുന്നുമ്മലിലെ കുനിയിൽ ശരത്, എലാങ്കോട് കാട്ടീൻെറവിട ആദർശ്, എലാങ്കോട് മീത്തലെ പറവത്ത് അരുൺ, മട്ടന്നൂരിലെ എതുമ്പിലാൽ നിഖിൽ എന്നിവരാണ് പൊലീസ് വലയിലായത്. ഇക്കഴിഞ്ഞ ജൂൺ 10ന് പാലക്കൂൽ കണ്ണൻ പീടികക്ക് സമീപത്ത് വെച്ച് 4,35,000 രൂപയും 12ന് എലാങ്കോട് വെച്ച് സ്കൂട്ടറിൽ സൂക്ഷിച്ച നാല് ലക്ഷം രൂപയും കവർച്ച ചെയ്ത കേസിലെ പ്രതികളാണിവർ. ആകെ എട്ടു പ്രതികളിൽ നാലു പേർ നേരത്തേ അറസ്റ്റിലായിട്ടുണ്ട്. നിഖിലിനെ മട്ടന്നൂരിൽനിന്നും മറ്റ് മൂന്നു പേരെ എലാങ്കോട് നിന്നുമാണ് പിടികൂടിയത്. സി.ഐ ടി.പി. ശ്രീജിത്തും എസ്.ഐ സന്തോഷ് കുമാറും നയിച്ച സംഘമാണ് ഇവരെ പിടികൂടിയത്. ഇതിനിടെ പൊലീസുകാർക്ക് പരിക്ക് പറ്റിയിട്ടുമുണ്ട്.