60 കുടുംബങ്ങൾക്ക് അടുക്കള പാത്രങ്ങൾ നൽകി

മാഹി: അഴിയൂർ പഞ്ചായത്തിലെ പ്രളയദുരിതബാധിതരായ 60 കുടുംബങ്ങൾക്ക് മാഹി ലയൺസ് ക്ലബ് വക അടുക്കളപ്പാത്രങ്ങൾ നൽകി. അർബുദബാധിതനായ രോഗിക്കുള്ള ധനസഹായവും നൽകി. ഡിസ്ട്രിക്ട് ഗവർണർ യോഹന്നാൻ അടുക്കള പാത്രങ്ങളുടെ വിതരണോദ്ഘാടനം നിർവഹിച്ചു. ലയൺസ് ക്ലബ് പ്രസിഡൻറ് സജിത്ത് നാരായണൻ അധ്യക്ഷതവഹിച്ചു. ബ്ലോക്ക് പഞ്ചായത്തംഗം പ്രമോദ്, വാർഡ് അംഗങ്ങളായ കല്ലറോത്ത് സുകുമാരൻ, ഉഷ കുന്നുമ്മൽ, അങ്ങാടിപ്പുറത്ത് അശോകൻ, ലയൺസ് സോൺ ചെയർമാൻ ചുവാർ കൃഷ്ണൻ, പ്രഫ. ഇസ്മയിൽ, ബെന്നി മാത്യു, ഡോ. വിജേഷ്, വി.കെ. രാധാകൃഷ്ണൻ, ക്യാപ്റ്റൻ കുഞ്ഞിക്കണ്ണൻ, എം.എം. രാജേന്ദ്രൻ എന്നിവർ സംസാരിച്ചു. വത്സരാജ്, രമേഷ് ബാബു, കല്ലാട്ട് പ്രേമൻ, ഡോ. ഹംസത്ത് എന്നിവർ നേതൃത്വം നൽകി.