ഓണം സുഹൃദ് സംഗമം

പയ്യന്നൂർ: സൗഹൃദകേരളം പെൺകൂട്ടായ്മ സംഘടിപ്പിച്ചു. എഴുത്തുകാരിയും സാമൂഹിക പ്രവർത്തകയുമായ സീത ദേവി കരിയാട്ട് ഉദ്ഘാടനം നിർവഹിച്ചു. ജാതിമത രാഷ്ട്രീയ ചിന്തകൾക്കതീതമായി ഐക്യപ്പെടേണ്ടതുണ്ടെന്ന് അവർ അഭിപ്രായപ്പെട്ടു. ജമാഅത്തെ ഇസ്ലാമി വനിത ജില്ല സമിതി അംഗം പി.ടി.പി. സാജിദ സുഹൃദ് സന്ദേശം നൽകി. കണ്ണൂർ സർവകലാശാലയിൽനിന്ന് ഡോക്ടറേറ്റ് നേടിയ സോന ഭാസ്കറിനെ ആദരിച്ചു. ഗൗരി ടീച്ചർ, ഡോ. സോന ഭാസ്കർ, സ്വർണലത, ഹൈറുന്നീസ എന്നിവർ സംസാരിച്ചു. ജമാഅത്തെ ഇസ്ലാമി പയ്യന്നൂർ വനിത ഏരിയ പ്രസിഡൻറ് കെ. സൽമത്ത് അധ്യക്ഷത വഹിച്ചു. സമീന ജബ്ബാർ സ്വാഗതവും നജ്മ നന്ദിയും പറഞ്ഞു.