കടകളിൽ പരിശോധന

ചൊക്ലി: ചൊക്ലി ഗ്രാമപഞ്ചായത്ത് പ്രാഥമികാരോഗ്യ കേന്ദ്രത്തിൻെറ നേതൃത്വത്തിൽ ടൗണിലെ കടകളിലും സ്ഥാപനങ്ങളിലും മിന്നൽ പരിശോധന നടത്തി. ചൊക്ലി ടൗണിലെ ഹോട്ടൽ, കൂൾബാർ, ബേക്കറി തുടങ്ങി 18 സ്ഥാപനങ്ങളിലാണ് ആരോഗ്യവകുപ്പ് പരിശോധിച്ചത്. പഴകിയ ഭക്ഷണസാധനങ്ങൾ, വൃത്തിഹീനമായ അവസ്ഥയിൽ ഭക്ഷ്യവസ്തുക്കൾ സൂക്ഷിക്കുന്നത്, ലൈസൻസ് ഇല്ലാത്ത സ്ഥാപനങ്ങൾ എന്നിവ കണ്ടെത്തി പിഴചുമത്തി. പുകയില നിരോധിത ബോർഡ് െവക്കാത്ത കടകൾക്കെതിരെയും കോട്പ ആക്ട് പ്രകാരം നടപടിയെടുത്തു. ചൊക്ലി പ്രാഥമികാരോഗ്യകേന്ദ്രം ഹെൽത്ത് ഇൻസ്പെക്ടർ സി. സത്യൻ, ജൂനിയർ ഹെൽത്ത് ഇൻസ്പെക്ടർമാരായ ആർ. ദീപ ലേഖ, പി. ജിതേഷ് എന്നിവർ നേതൃത്വം നൽകി.