പെരിങ്ങത്തൂരിൽ ബി.എസ്.എൻ.എൽ നിശ്ചലം

പെരിങ്ങത്തൂർ: പെരിങ്ങത്തൂർ ടെലിഫോൺ എക്സ്ചേഞ്ചിന് കീഴിലുള്ള ബി.എസ്.എൻ.എൽ ലാൻഡ് ഫോണുകൾ പ്രവർത്തനരഹിതമെന്ന് വ്യ ാപക പരാതി. രണ്ടു മാസത്തിലധികമായി വീടുകളിലെ ഫോണുകൾ ഉപയോഗശൂന്യമായിട്ട്. ഇൻറർനെറ്റ് സംവിധാനവും തകരാറിലാണ്. പലതവണ പരാതിപ്പെട്ടിട്ടും അധികൃതർക്ക് തകരാറ് കണ്ടുപിടിച്ച് പരാതി പരിഹരിച്ചുനൽകാൻ കഴിയുന്നില്ലെന്നും ഉപഭോക്താക്കൾ പരാതിപ്പെടുന്നു. അടിയന്തരപ്രാധാന്യത്തോടെ പെരിങ്ങത്തൂർ ടെലിഫോൺ എക്സ്ചേഞ്ച് പ്രവർത്തനങ്ങൾ കാര്യക്ഷമമാക്കണമെന്നും ഉപഭോക്താക്കളുടെ പരാതി പരിഹരിക്കണമെന്നതുമാണ് ആവശ്യം.