കനത്തമഴയിൽ വീട് തകർന്നു

പെരിങ്ങത്തൂർ: തുടർച്ചയായ മഴയെ തുടർന്ന് നിർമാണത്തിലിരിക്കുന്ന ഇരുനില വീട് തകർന്നു. പെരിങ്ങത്തൂരിനടുത്ത ഒലിപ് പിലിൽ ഇട്ടാപ്പുറത്ത് സലീമിൻെറ വീടാണ് തകർന്നത്. പാനൂർ നഗരസഭയിലെ 31ാം വാർഡിലാണ് സംഭവം. മൂന്നു ഘട്ടങ്ങളിലായി നിർമിച്ച കോൺക്രീറ്റ് തകർന്ന് താേഴക്ക് പതിക്കുകയായിരുന്നു. പാനൂർ നഗരസഭാംഗങ്ങൾ, വില്ലേജ് അധികൃതർ എന്നിവർ സ്ഥലം സന്ദർശിച്ചു. 25 ലക്ഷം രൂപ നഷ്ടം കണക്കാക്കുന്നു. പ്രദേശങ്ങളിലെ പല വീടുകളുടെയും മതിലുകൾ തകർന്ന് റോഡിലേക്ക് വീണ നിലയിലാണുള്ളത്.