കാർ പോസ്​റ്റിലിടിച്ച് മറിഞ്ഞ് വിദ്യാർഥിക്ക് പരിക്ക്​

മയ്യിൽ: ചെക്കിക്കുളത്ത് കാർ പോസ്റ്റിലിടിച്ച് മറിഞ്ഞ് വിദ്യാർഥിക്ക് പരിക്ക്. ബുധനാഴ്ച ഉച്ച ഒന്നോടെ ചെക്കിക്കുളം ധർമക്കിണറിലാണ് അപകടം. മയ്യില്‍ ഐ.ടി.എം വിദ്യാർഥിയും മുണ്ടേരി ചാപ്പ സ്വദേശിയുമായ മുര്‍ഷാദിനാണ് (20) പരിക്കേറ്റത്. അപകടത്തില്‍ കാർ ഭാഗികമായി തകർന്നു. ചെറുവത്തലമൊട്ടയിലെ സഹോദരിയുടെ വീട്ടില്‍നിന്ന് ചാപ്പയിലേക്ക് പോകുംവഴിയാണ് മുര്‍ഷാദ് ഓടിച്ചിരുന്ന സ്വിഫ്റ്റ് കാര്‍ അപകടത്തില്‍പെട്ടത്. റോഡരികിലെ പോസ്റ്റിനിടിച്ച വാഹനം തൊട്ടടുത്ത കടയിലും ഇടിച്ച് വീടിൻെറ പറമ്പിലേക്ക് മറിയുകയായിരുന്നു.