ദുരിതക്കയത്തിൽ നാടെങ്ങും ഐക്യദാർഢ്യപ്പെരുന്നാൾ

എടക്കാട്: ദുരിതക്കയത്തിൽ നാടെങ്ങും ഐക്യദാർഢ്യപ്പെരുന്നാൾ. പ്രതികൂല കാലാവസ്ഥ കാരണം ജില്ലയിൽ ഈദ്ഗാഹുകൾ ഉണ്ടാ യിരുന്നില്ല. നമസ്കാരത്തിനെത്തിയവരുടെ ബാഹുല്യം കാരണം മിക്ക പള്ളികളിലും രണ്ടുതവണ പെരുന്നാൾ നമസ്കാരം നടത്തേണ്ടി വന്നു. ദുരന്തത്തിനിരയായവർക്ക് താങ്ങും തണലുമായി നിൽക്കാനും പുനരധിവാസത്തിന് വേണ്ടി സഹായിക്കാൻ ആഹ്വാനംചെയ്തും നാടിനും വേണ്ടി പ്രാർഥിച്ചുമാണ് പെരുന്നാൾ പ്രഭാഷണങ്ങൾ നടന്നത്. എടക്കാട് സഫ സൻെററിൽ ജമാഅത്തെ ഇസ്ലാമി ജില്ല പ്രസിഡൻറ് യു.പി. സിദ്ദീഖ് പെരുന്നാൾ നമസ്കാരത്തിന് നേതൃത്വം നൽകി.