വെളിച്ചവും മൊബൈൽ ചാർജും സൗജന്യമായി നൽകി

പാനൂർ: കനത്ത മഴയും വെള്ളം കയറലും കാരണം ഏതാണ്ട് ഒറ്റപ്പെട്ട അവസ്ഥയിലായ ചമ്പാട് മേഖലയിൽ. രണ്ടു ദിവസത്തോളം വെളിച ്ചവും മൊബൈൽചാർജും സൗജന്യമായി നൽകി ചമ്പാട് വിദ്യാഭവൻ പ്രിൻസിപ്പൽ കെ. സതീശൻ മാസ്റ്റർ മാതൃകയായി. ട്യൂഷൻ സൻെററിലെ ജനറേറ്റർ ഉപയോഗിച്ച് ചമ്പാട്, താഴെ ചമ്പാട്, കാർഗിൽ, താരാപള്ളി, ഉണ്ടമുക്ക്, പുഞ്ചക്കര പരിസരങ്ങളിൽ എത്തിയാണ് നാട്ടുകാർക്ക് സൗജന്യമായി മൊബൈൽ ചാർജു ചെയ്തു നൽകിയത്. വൈദ്യുതിയില്ലാത്തതു കാരണം പ്രവർത്തിക്കാതിരുന്ന താഴെ ചമ്പാട് ഷാനൂസ് ഹോട്ടലിൽ നൂറോളം പേരാണ് മൊബെൽ ചാർജിങ്ങിനായി എത്തിയത്. ഇതിനായി 30 ഓളം ചാർജിങ് യൂനിറ്റുകളുമൊരുക്കിയിരുന്നു.