എരഞ്ഞോളി പുഴയിലെ മണ്‍തിട്ട നീക്കി

തലശ്ശേരി: എരഞ്ഞോളി പുഴയുടെ ഒഴുക്കിന് തടസ്സമായ മണ്‍തിട്ട നീക്കി. മണ്ണുമാന്തിയന്ത്രം എത്തിച്ച് ശനിയാഴ്ച വൈകീട്ടാണ് പുഴയുടെ ഒഴുക്കിന് തടസ്സമായ മണ്‍തിട്ട നീക്കിയത്. എരഞ്ഞോളി പഴയ പാലത്തിന് സമാന്തരമായി പുതിയ പാലം പണിയുന്നതിനുള്ള പൈലിങ്ങിനായാണ് പുഴയില്‍ ഒരുഭാഗത്ത് മണ്ണിട്ടുയര്‍ത്തിയത്. പാലം നിര്‍മാണത്തിനുപയോഗിച്ച ജനറേറ്ററടക്കം ഇവിടെയാണുണ്ടായത്. പേമാരിയില്‍ പുഴയിലെ അതിശക്തമായ ഒഴുക്കിന് മണ്‍തിട്ട തടസ്സമാണെന്ന് കണ്ട് എ.എൻ. ഷംസീര്‍ എം.എൽ.എ ഇടപെട്ടാണ് മണ്ണ് നീക്കാന്‍ നടപടിയായത്.