ഒരു മിനിറ്റിൽ വീശിയ ചുഴലിക്കാറ്റ്‌ വ്യാപകനാശം വിതച്ചു

പാനൂർ: ഒരു മിനിറ്റ് വീശിയ ചുഴലിക്കാറ്റ്‌ ചെണ്ടയാട് നിള്ളങ്ങലിൽ വ്യാപക നാശം വിതച്ചു. നെയ്യൻറവിട ക്ഷേത്രപരിസരം, കുട്ടാമ്പള്ളി ഭാഗങ്ങളിലാണ് രാത്രി ചുഴലിക്കാറ്റിൽ വൻനാശം ഉണ്ടായത്. കുട്ടാമ്പള്ളി സീനയുടെ വീട് മരം വീണ് തകർന്നു. ചെമ്മേരി കൃഷ്‌ണൻ, എണ്ണപറമ്പത്ത്‌ ചാത്തുകുട്ടി, കുട്ടാമ്പള്ളി കാർത്ത്യായനി എന്നിവരുടെ വീടിനു മുകളില്‍ മരം വീണ്‌ നാശനഷ്‌ടങ്ങള്‍ സംഭവിച്ചു.