പരിശോധന ക്യാമ്പ്

തലശ്ശേരി: ദേശീയ തൊഴില്‍സേവന കേന്ദ്രത്തി‍ൻെറയും അല്‍മികോ ബംഗളൂരുവി‍ൻെറയും ആഭിമുഖ്യത്തില്‍ ഭിന്നശേഷിക്കാര്‍ മുതിര്‍ന്ന പൗരന്‍മാര്‍ക്കും സൗജന്യമായി സഹായ ഉപകരണങ്ങള്‍ നല്‍കുന്നതിന് വേണ്ടിയുള്ള പരിശോധ ക്യാമ്പ് തലശ്ശേരി ഗവ. ബ്രണ്ണന്‍ ഹയര്‍സെക്കൻഡറി സ്‌കൂളില്‍ നടന്നു. നാഷനല്‍ സര്‍വിസ് സ്‌കീമി‍ൻെറ സഹായത്തോടെ നടന്ന ക്യാമ്പ് ഗവ. പ്ലീഡറും പബ്ലിക് പ്രോസിക്യൂട്ടറുമായ ബി.പി. ശശീന്ദ്രന്‍ ഉദ്ഘാടനം ചെയ്തു. പി.ടി.എ പ്രസിഡൻറ് നവാസ് മേത്തര്‍ അധ്യക്ഷത വഹിച്ചു. പ്രോഗ്രാം കോഒാഡിനേറ്റര്‍ നിരേഷ്, ധര്‍മടം ഗ്രാമപഞ്ചായത്ത് ക്ഷേമകാര്യ സ്‌റ്റാൻഡിങ് കമ്മിറ്റി ചെയര്‍മാന്‍ എം.പി. മോഹനന്‍, തലശ്ശേരി നഗരസഭാംഗം ഹെന്‍ട്രി‍, പ്രസ് ഫോറം സെക്രട്ടറി എന്‍. പ്രശാന്ത്, വി. പ്രസാദ്‍, ഡി. ബിനോയ്, പ്രിൻസിപ്പല്‍ ആര്‍. സരസ്വതി, ബിനു മോഹന്‍ എന്നിവര്‍ സംസാരിച്ചു. കെ.എന്‍. രാജീവ് സ്വാഗതം പറഞ്ഞു.