അനുമോദനവും ശിൽപശാലയും

ചൊക്ലി: ഒളവിലം വനിത യതീംഖാനയുടെ നേതൃത്വത്തിൽ അനുമോദനങ്ങളും രചനാഭിനയ ഏകദിന ശിൽപശാലയും നടത്തി. പി. മൊയ്തു ഹാജി അധ്യക്ഷത വഹിച്ചു. ജില്ലയിലെ അനാഥാലയങ്ങളിൽ പ്ലസ്ടു, എസ്.എസ്.എൽ.സി പരീക്ഷകളിൽ ഉന്നത വിജയം നേടിയ ഒളവിലം യതീംഖാനയിലെ കുട്ടികളായ ഫാത്തിമത്ത് ഷിബില, ഫിദ ഫാത്തിമ, റാഷിദ എന്നിവരെ ഉപഹാരം നൽകി അനുമോദിച്ചു. ശിൽപശാലക്ക് നാടക കലാകാരൻ സജീവൻ ചെരണ്ടത്തൂർ നേതൃത്വം നൽകി. ഒ. അബൂബക്കർ ഹാജി, തസ്നീം അലി ഹാജി, സിദ്‌റ അലി ഹാജി എന്നിവർ ഉപഹാരങ്ങൾ കൈമാറി. വി.കെ. ഖാലിദ്, കെ. അബ്ദുൽ നസീർ, എം.പി. ഇസ്മായിൽ ഹാജി, വി.കെ. ഹാഷിം എന്നിവർ സംസാരിച്ചു. ഫാത്തിമ ആശിറ ഖിറാഅത്ത് നടത്തി. എം. സുലൈമാൻ മാസ്റ്റർ സ്വാഗതവും ഫാത്തിമത്ത് ശിബില നന്ദിയും പറഞ്ഞു.