ആയുർവേദ മെഡിക്കൽ ക്യാമ്പ്​

കണ്ണപുരം: പഞ്ചായത്ത്, ആയുഷ് പി.എച്ച്.സി, കണ്ണപുരം, മാറ്റാൻകീൽ നവചേതന ഗ്രന്ഥാലയം ആൻഡ് കലാസമിതി എന്നിവയുടെ സംയുക്താഭിമുഖ്യത്തിൽ മൊട്ടമ്മൽ പകൽവീട് പരിസരത്ത് ആയുർവേദ മെഡിക്കൽ ക്യാമ്പും ഔഷധസസ്യ പച്ചക്കറിവിത്ത് വിതരണവും സംഘടിപ്പിച്ചു. ജില്ല പഞ്ചായത്ത് വൈസ് പ്രസിഡൻറ് പി.പി. ദിവ്യ ഉദ്ഘാടനംചെയ്തു. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ കെ. മോഹനൻ അധ്യക്ഷതവഹിച്ചു. കെ.വി. ബാലൻ, ടി.വി. ലക്ഷ്മണൻ, പി. മോഹനൻ, പ്രേമ സുരേന്ദ്രൻ, ഇ. പ്രശാന്ത്, പി.വി. രാഘവൻ എന്നിവർ സംസാരിച്ചു. കണ്ണപുരം ആയുഷ് പി.എച്ച്.സി മെഡിക്കൽ ഓഫിസർ എൻ.വി. രമ്യശ്രീ, പ്രഗുണ എസ്. നമ്പ്യാർ എന്നിവർ ക്യാമ്പിന് നേതൃത്വം നൽകി. എ. ബാലകൃഷ്ണൻ സ്വാഗതവും കെ.പി. സുരേഷ് കുമാർ നന്ദിയും പറഞ്ഞു.