തട്ടിപ്പിനിരയായവർ മാർച്ച് നടത്തി

തളിപ്പറമ്പ്: പ്രവാസി സംഘത്തിൻെറ മറവിൽ നടന്ന സാമ്പത്തിക തട്ടിപ്പിനിരയായവർ കേസിലെ പ്രതിയായ സ്ത്രീയുടെ വീട്ടി ലേക്ക് മാർച്ച് നടത്തി. തട്ടിപ്പിനിരയായവർക്കുള്ള പണം ഇനിയും ലഭിക്കാത്ത സാഹചര്യത്തിലായിരുന്നു മാർച്ച്. പ്രതികളെ പൊലീസ് അറസ്റ്റ് ചെയ്തിരുന്നെങ്കിലും തട്ടിയെടുത്ത പണം ഇതുവരെ തിരികെ നൽകാത്ത സാഹചര്യത്തിലാണ് തട്ടിപ്പിനിരയായവർ പ്രവാസി സംഘം തളിപ്പറമ്പ് ഏരിയ കമ്മിറ്റിയുടെ നേതൃത്വത്തിൽ മാർച്ച് നടത്തിയത്. ബക്കളം കേന്ദ്രീകരിച്ച് നടത്തിയ മാർച്ച് ഗേറ്റിന് സമീപം പൊലീസ് തടഞ്ഞു. പ്രവാസി സംഘം സംസ്ഥാന വൈസ് പ്രസിഡൻറ് പി.കെ. അബ്ദുല്ല ഉദ്ഘാടനംചെയ്തു. കെ. ബാലകൃഷ്ണൻ അധ്യക്ഷതവഹിച്ചു. ജില്ല സെക്രട്ടറി ഇ.എം.പി. അബൂബക്കർ, സി.പി. ഗംഗാധരൻ, പ്രശാന്ത് കൂട്ടാമ്പള്ളി എന്നിവർ സംസാരിച്ചു.