ചൊക്രാൻവളവിൽ റോഡിൽ ഗർത്തം

ഇരിക്കൂർ: ആയിപ്പുഴ ചൊക്രാൻവളവിലെ പാതയിൽ ഗർത്തം രൂപപ്പെട്ടു. ഇതുകാരണം അപകടം പതിവാകുകയാണ്. മേഖലയിൽ തെരുവുവിളക്കുകൾപോലും ഇല്ലാത്തതിനാൽ രാത്രികാലങ്ങളിലാണ് അപകടം വർധിക്കുന്നത്. ചെറിയ വാഹനങ്ങളാണ് കൂടുതലും അപകടത്തിൽപെടുന്നത്. പൊതുമരാമത്ത് വകുപ്പധികൃതരുടെ ശ്രദ്ധയിൽപെടുത്തിയിട്ടും ഒരു നടപടിയും ഉണ്ടായില്ലെന്ന് നാട്ടുകാരും വാഹന ഉടമകളും പറയുന്നു.