ഓവുചാൽ അടഞ്ഞു: ഇരിക്കൂർ ബസ്​സ്​റ്റാൻഡിൽ മലിനജലം ഒഴുകുന്നു

ഇരിക്കൂർ: വില്ലേജ് ഓഫിസ് പരിസരത്തെ മൺഭിത്തി ഇടിഞ്ഞുവീണത് മലിനജലം ബസ്സ്റ്റാൻഡിലേക്ക് ഒഴുകാനിടയാക്കുന്നു. ബസ്സ്റ്റാൻഡിൻെറ കിഴക്കുഭാഗത്തെ ഓവുചാൽ അടഞ്ഞത് കാരണം മലിനജലം ബസ്സ്റ്റാൻഡിൽ പരന്നൊഴുകുകയാണ്. ബസ്സ്റ്റാൻഡിലേക്ക് വരുന്നവരും പോകുന്നവരും മൂക്കുപൊത്തിയാണ് ഇതുവഴി സഞ്ചരിക്കുന്നത്. സമീപത്ത് പഞ്ചായത്ത് ഓഫിസും ആരോഗ്യവകുപ്പ് അധികൃതരും ഉണ്ടായിട്ടും തിരിഞ്ഞുനോക്കാത്തതിൽ യാത്രക്കാർക്കും വാഹന ജീവനക്കാർക്കും വ്യാപാരികൾക്കും പ്രതിഷേധമുണ്ട്.