ലയൺസ് ഭാരവാഹികളുടെ സ്ഥാനാരോഹണം ഇന്ന്​

കണ്ണൂർ: ലയൺസ് ക്ലബ് ഇൻറർനാഷനൽ ഡിസ്ട്രിക്ട് കാബിനറ്റ് ഇൻസ്റ്റലേഷൻ ഇന്ന് നടക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു. വൈകീട്ട് മൂന്നിന് മാങ്ങാട്ടുപറമ്പ് ലെക്സോട്ടിക്ക കൺവെൻഷൻ സൻെററിലാണ് പരിപാടി. ലയൺസ് മുൻ ഇൻറർനാഷനൽ ഡയറക്ടർ ആർ. സുനിൽകുമാർ നേതൃത്വം വഹിക്കും. എ.വി. വാമൻകുമാർ മുഖ്യാതിഥിയാകും. ഡിസ്ട്രിക്ടിലെ വൈസ് ഗവർണർമാർ, കാബിനറ്റ് അംഗങ്ങൾ തുടങ്ങിയ എല്ലാവരെയും സ്ഥാനാരോഹണംചെയ്യും. വാർത്താസമ്മേളനത്തിൽ ഡിസ്ട്രിക്ട് ഗവർണർ ഡോ. എസ്. രാജീവ്, കാബിനറ്റ് സെക്രട്ടറി കെ.വി. രാമചന്ദ്രൻ, ഇ. അനിരുദ്ധൻ, പി.എം. ഷാനവാസ്, പ്രേംകുമാർ, പി. സുധീഷ് എന്നിവർ പങ്കെടുത്തു.