ക്ഷേത്രചിറ നവീകരണപ്രവൃത്തി തുടങ്ങി

തളിപ്പറമ്പ്: തൃച്ചംബരം ശ്രീകൃഷ്ണ ക്ഷേത്രചിറ ചളിനീക്കി നവീകരിക്കുന്നതിൻെറ ഉദ്ഘാടനം തന്ത്രി കാമ്പ്രത്തില്ലത ്ത് പരമേശ്വന്‍ നമ്പൂതിരി നിര്‍വഹിച്ചു. ശ്രീകൃഷ്ണ സേവാസമിതിയും ടി.ടി.കെ ദേവസ്വവും സംയുക്തമായാണ് 1.25 കോടി രൂപ ചെലവില്‍ ഭക്തജനങ്ങളുടെ സഹകരണത്തോടെ ക്ഷേത്രചിറ നവീകരിക്കുന്നത്. ഫണ്ട് സ്വീകരണ ഉദ്ഘാടനവും ചടങ്ങില്‍ നടന്നു. ടി.ടി.കെ ദേവസ്വം ബോര്‍ഡ് പ്രസിഡൻറ് കെ.കെ. മഹേശ്വരന്‍ നമ്പൂതിരി, എക്‌സി. ഓഫിസര്‍ മുല്ലപ്പള്ളി നാരായണന്‍ നമ്പൂതിരി, പ്രഫ. എം.പി. ലക്ഷ്മണന്‍, എ. അശോക് കുമാര്‍ എന്നിവര്‍ സംസാരിച്ചു. ചിറയിലെ ചളി നീക്കംചെയ്യുന്നതോടൊപ്പം പൊളിഞ്ഞ പടവുകള്‍ മാറ്റി ചുറ്റുമതില്‍ നിര്‍മിച്ച് മോടികൂട്ടും.