ലോകകപ്പ് ക്രിക്കറ്റ് ക്വിസ്: ആനന്ദ്-നബീൽ സഖ്യം ജേതാക്കൾ

കണ്ണൂർ: തായംപൊയിൽ സഫ്ദർ ഹശ്മി സ്മാരക ഗ്രന്ഥാലയം സംഘടിപ്പിച്ച ജില്ലതല ലോകകപ്പ് ക്രിക്കറ്റ് ക്വിസ് 'സൂപ്പർ ഓവറി'ൽ ടി.ടി. ആനന്ദ്-സി. നബീൽ ടീം ജേതാക്കളായി. ടി.വി. ജിനേഷ് കുമാർ-എം.വി. ധനേഷ് ടീമാണ് റണ്ണറപ്പ്. സി. ആദിത്യൻ-ടി.വി. അഭിനന്ദ്, ആദിത്യ കൃഷ്ണൻ-അശ്വിൻ ദാസ് എന്നിവർ മൂന്നാം സ്ഥാനം പങ്കിട്ടു. പ്രാൺ സിങ് മത്സരം നയിച്ചു. സച്ചിൻെറ ആത്മകഥയെ ആസ്പദമാക്കി നടന്ന പുസ്തകസംവാദം അഡ്വ. വി. ദേവദാസ് നയിച്ചു. ജി.വി. അനീഷ് സംസാരിച്ചു. പി.പി. സതീഷ് കുമാർ സ്വാഗതവും കെ.സി. ശ്രീനിവാസൻ നന്ദിയും പറഞ്ഞു.