വില്ലേജ് സമ്മേളനം

ചൊക്ലി: കെ.എസ്.കെ.ടി.യു ചൊക്ലി സൗത്ത് ഒളവിലം വണ്ണത്താൻകണ്ടി മുസ്ലിം എൽ.പി സ്കൂളിൽ നടന്നു. കെ.എസ്.കെ.ടി.യു ജില്ല വൈസ് പ്രസിഡൻറ് ദാമോദരൻ മാസ്റ്റർ ഉദ്ഘാടനം നിർവഹിച്ചു. വില്ലേജ് പ്രസിഡൻറ് കെ. പ്രദീപൻ അധ്യക്ഷതവഹിച്ചു. കേരള ഹൈകോടതിയിൽ അഭിഭാഷകയായി എൻറോൾചെയ്ത അഡ്വ. കെ.പി. ജിൻസിയെ ചടങ്ങിൽ ഉപഹാരം നൽകി ആദരിച്ചു. കെ.എം. പവിത്രൻ റിപ്പോർട്ട് അവതരിപ്പിച്ചു. പി. വാസു അനുശോചനപ്രമേയവും പി. രാധ രക്തസാക്ഷി പ്രമേയവും അവതരിപ്പിച്ചു. കെ.കെ. പ്രേമൻ, കെ.ടി.കെ. പ്രദീപൻ, വി.കെ. ശശീന്ദ്രൻ, എൻ.കെ. വസന്ത, എം.ഒ. ചന്ദ്രൻ, അനിൽകുമാർ, കെ. ശശി എന്നിവർ സംസാരിച്ചു. അജിത ചേപ്രത്ത് സ്വാഗതവും എ.സി. രാജീവൻ നന്ദിയും പറഞ്ഞു.