വിമാനത്താവള വികസനം; കെ. സുധാകരൻ കേന്ദ്ര സിവിൽ ഏവിയേഷൻ മന്ത്രിയെ കണ്ടു

കണ്ണൂർ: കണ്ണൂർ ഇൻറർനാഷനൽ എയർപോർട്ട് വികസനവുമായി ബന്ധെപ്പട്ട് കെ. സുധാകരൻ എം.പി സിവിൽ ഏവിയേഷൻ വകുപ്പു മന്ത്രി ഹർദീപ് സിങ് പുരിയെ സന്ദർശിച്ചു. മലബാർ മേഖലയിലുള്ള മുസ്ലിം സഹോദരങ്ങൾക്ക് ഹജ്ജിന് പോകുന്നതിനായി ഈ വർഷം മുതൽ ഹജ്ജ് ടെർമിനൽ അനുവദിക്കണം, കണ്ണൂർ വിമാനത്താവളത്തിൽ കൂടുതൽ ഇൻറർനാഷനൽ വിമാന സർവിസുകൾ തുടങ്ങുന്നതിനുള്ള നടപടികൾ സ്വീകരിക്കണം, റൺവേയുടെ നീളം വർധിപ്പിക്കുന്നതിനുള്ള നടപടികൾ സ്വീകരിക്കണം തുടങ്ങിയ കാര്യങ്ങൾ എം.പി ആവശ്യപ്പെട്ടു. ഈ വിഷയങ്ങളിൽ വേണ്ട നടപടികൾ സ്വീകരിക്കുമെന്ന ഉറപ്പ് ലഭിച്ചതായി എം.പി അറിയിച്ചു.