തലശ്ശേരി ജനറൽ ആശുപത്രിയിലെ ഒാപറേഷൻ തിയറ്റർ ഉടൻ തുറക്കണം

തലശ്ശേരി: തലശ്ശേരി ജനറൽ ആശുപത്രിയിൽ അടച്ചിട്ട ഒാപറേഷൻ തിയറ്റർ ഉടൻ തുറന്നു പ്രവർത്തിപ്പിക്കണമെന്ന് തലശ്ശേരി ബ്ലോക്ക് കോൺഗ്രസ് കമ്മിറ്റി യോഗം ആവശ്യപ്പെട്ടു. മൂന്നുമാസം കൊണ്ട് നവീകരണം പൂർത്തിയാക്കി തുറക്കുമെന്ന് പറഞ്ഞാണ് തിയറ്റർ അടച്ചിട്ടത്. എന്നാൽ, എട്ട് മാസമായിട്ടും തിയറ്റർ തുറക്കാൻ സാധിച്ചിട്ടില്ല. ഇതുകാരണം പാവപ്പെട്ട രോഗികൾ ഏറെ ബുദ്ധിമുട്ടുകയാണ്. ജൂലൈ അഞ്ചിന് ലീഡർ കെ. കരുണാകരൻെറ 101ാം ജന്മദിനം കൊണ്ടാടാനും യോഗം തീരുമാനിച്ചു. എം.പി. അരവിന്ദാക്ഷൻ അധ്യക്ഷതവഹിച്ചു. വി. രാധാകൃഷ്ണൻ, സജീവ് മാറോളി, വി.എൻ. ജയരാജ്, സി.ടി. സജിത്ത്, മണ്ണയാട് ബാലകൃഷ്ണൻ, കെ. ജയരാജൻ, പി.വി. രാധാകൃഷ്ണൻ, കെ.ഇ. പവിത്രരാജ്, ഇ. വിജയകൃഷ്ണൻ, കെ.സി. രഘുനാഥ്, പി.ഒ. മുഹമ്മദ് റാഫി, കെ.ജി. ഗിരീഷ് എന്നിവർ സംസാരിച്ചു.