കളഞ്ഞുകിട്ടിയ സ്വർണമാല ഉടമയെ ഏൽപിച്ചു

പെരിങ്ങത്തൂർ: റോഡിൽനിന്ന് വീണുകിട്ടിയ ആറുപവൻ സ്വർണമാല ഉടമയെ ഏൽപിച്ച് വീട്ടമ്മ മാതൃകയായി. വളയം കുയ്തേരി തുണ്ട ിയിൽ ജാനുവിനാണ് റോഡിൽനിന്ന് സ്വർണാഭരണം കളഞ്ഞുകിട്ടിയത്. മാലയുമായി ജാനു വളയം പൊലീസ് സ്റ്റേഷനിൽ എത്തി. സ്വർണം കിട്ടിയ വിവരം സമൂഹമാധ്യമങ്ങളിലൂടെ നാട്ടുകാരെ അറിയിക്കുകയായിരുന്നു. തുടർന്നാണ് പെരിങ്ങത്തൂർ സ്വദേശിയുടെ മാല നഷ്ടപ്പെട്ട വിവരം അറിയുന്നത്. അണിയാരം പടിക്കലക്കാട്ടിൽ അബൂബക്കർ ഹാജിയുടെ ഭാര്യ ഷരീഫ വളയം സ്റ്റേഷനിലെത്തി മാല തിരിച്ചറിഞ്ഞു. വ്യാഴാഴ്ച വൈകീട്ടോടെ ജാനുവിൻെറ സാന്നിധ്യത്തിൽ വളയം എസ്.ഐ ആർ.സി. ബിജു ഉടമസ്ഥയെ ഏൽപിച്ചു. ജാനുവിനെ പൊലീസും നാട്ടുകാരും അഭിനന്ദിച്ചു.