വായന വാരാചരണവും ലഹരി വിരുദ്ധ ദിനാചരണവും സംഘടിപ്പിച്ചു

കാഞ്ഞങ്ങാട്: കാഞ്ഞങ്ങാട് ചിന്മയ വിദ്യാലയത്തില്‍ വായന വാരാചരണവും ലഹരിവിരുദ്ധ കാമ്പയിനും സംഘടിപ്പിച്ചു. പി. സാ ഹിത്യവേദിയുമായി ചേര്‍ന്ന് നടത്തിയ പരിപാടി പ്രഫ. ശശിമേനോന്‍ ഉദ്ഘാടനം ചെയ്തു. വിദ്യാലയം പ്രിൻസിപ്പൽ പി. ചന്ദ്രന്‍ അധ്യക്ഷത വഹിച്ചു. പരിപാടിയുടെ ഭാഗമായി മഹാകവി പി.യുടെ കവിതക്ക് നൃത്താവിഷ്കാരവും ലഹരിവിരുദ്ധ ദിനാചരണത്തി‍ൻെറ ഭാഗമായി വിദ്യാലയത്തിലെ പത്താംക്ലാസ് വിദ്യാർഥികള്‍ ലഹരിക്കെതിരെ ബോധവത്കരണം നടത്തുന്നതിനായി മൈംഷോയും അവതരിപ്പിച്ചു. വിശ്വംഭരന്‍ വെള്ളിക്കോത്ത്, ആനന്ദ്കൃഷ്ണന്‍, പ്രേമചന്ദ്രന്‍, വി.രവീന്ദ്രന്‍നായര്‍, മുരളി മഡിയന്‍, ഗീത രാമകൃഷ്ണന്‍, രാധ ശിവകുമാര്‍ എന്നിവര്‍ സംസാരിച്ചു.