ഇഫ്താർ സംഗമം

പയ്യന്നൂർ: വെള്ളൂർ ശാഖ മുസ്ലിം ലീഗ്, ജി.എം.ആർ.സി, എം.വൈ.എൽ, എം.എസ്.എഫ് കമ്മിറ്റികളുടെ ആഭിമുഖ്യത്തിൽ ഇഫ്താർ സംഗമവും റിലീഫ് കിറ്റ് വിതരണവും വിവിധ പരീക്ഷകളിൽ ഉന്നതവിജയം നേടിയ വിദ്യാർഥികൾക്കുള്ള അനുമോദനവും നടത്തി. മുസ്ലിം ലീഗ് ജില്ല ജോ. സെക്രട്ടറി കെ.ടി. സഹദുല്ല ഉദ്ഘാടനം ചെയ്തു. പരിപാടിയിൽ ശാഖ മുസ്‌ലിം ലീഗ് പ്രസിഡൻറ് ടി.പി. അബ്ദുൽ ഖാദർ അധ്യക്ഷത വഹിച്ചു. മഹല്ല് ഖതീബ് ഉമറുൽ ഫാറൂഖ് അൽ അസ്ഹരി ഉദ്ബോധന പ്രഭാഷണം നടത്തി. പയ്യന്നൂർ മണ്ഡലം മുസ്ലിം ലീഗ് ജനറൽ സെക്രട്ടറി എം. അബ്ദുല്ല, ജി.എം.ആർ.സി പ്രതിനിധി എം.ടി.പി. ഇഖ്ബാൽ, മുൻ കെ.എം.സി.സി നേതാവ് എൻ.എ. മജീദ് ഹാജി എന്നിവർ ആശംസകളർപ്പിച്ച് സംസാരിച്ചു. പരീക്ഷകളിൽ ഉന്നതവിജയം നേടിയ വിദ്യാർഥികളെ കെ.ടി. സഹദുല്ല അനുമോദിച്ചു. റിലീഫ് കിറ്റ് വിതരണം ജി.എം.ആർ.സി ജനറൽ കൺവീനർ മുഹമ്മദ് കുഞ്ഞി ശാഖ എം.എസ്.എഫ് പ്രസിഡൻറ് മുഹമ്മദ് സാലിഹിന് നൽകി ഉദ്ഘാടനം ചെയ്തു. ശാഖാ മുസ്ലിം ലീഗ് ജനറൽ സെക്രട്ടറി എം. അബ്ദുൽ ഖാദർ സ്വാഗതവും ശാഖ മുസ്ലിം ലീഗ് വൈസ് പ്രസിഡൻറ് എ.പി. മുനീർ നന്ദിയും പറഞ്ഞു. തുടർന്ന് സംഘടിപ്പിച്ചു.