തെരഞ്ഞെടുപ്പ് വാഹനങ്ങൾക്ക് പാർക്കിങ് ചിറക്കുനിയിൽ

തലശ്ശേരി: ചൊവ്വാഴ്ച നടക്കുന്ന ലോക്സഭ തെരെഞ്ഞടുപ്പോടനുബന്ധിച്ച് തലശ്ശേരി, കൂത്തുപറമ്പ് നിയോജക മണ്ഡലങ്ങളിലെ പോളിങ് ഉദ്യോഗസ്ഥരുടെ യാത്രക്കായി തലശ്ശേരി ജോ.ആർ.ടി.ഒ ഏറ്റെടുത്ത് നൽകിയ എല്ലാ വാഹനങ്ങളും പാലയാട് ചിറക്കുനിയിെല അബു-ചാത്തുക്കുട്ടി സ്മാരക മിനി സ്റ്റേഡിയത്തിൽ പാർക്ക് ചെയ്യണമെന്ന് തലശ്ശേരി തഹസിൽദാർ അറിയിച്ചു. തലശ്ശേരി നഗരസഭ സ്റ്റേഡിയത്തിൽ നവീകരണം നടക്കുന്നതിനാലാണിത്. വാഹനങ്ങളുടെ ഇന്ധനത്തിനുള്ള സ്ലിപ്പും മറ്റ് അനുബന്ധ രേഖകളും തലശ്ശേരി താലൂക്ക് ഒാഫിസിൽനിന്ന് വാങ്ങേണ്ടതാണ്.