മതേതരശക്തികളുടെ വിജയം അനിവാര്യം

മാഹി: വർഗീയ ഫാഷിസ്റ്റ് ശക്തികളെ പരാജയപ്പെടുത്താൻ മതേതരശക്തികളുടെ വിജയം അനിവാര്യമാണെന്ന് മുൻ മന്ത്രി ഇ. വത്സരാജ്. മാഹി സെമിത്തേരി റോഡിൽ യു.പി.എ െതരഞ്ഞെടുപ്പ് കമ്മിറ്റി ഓഫിസിൻെറ ഉദ്ഘാടനം നിർവഹിക്കുകയായിരുന്നു അദ്ദേഹം. ടി. ഇബ്രാഹീം കുട്ടി അധ്യക്ഷത വഹിച്ചു. എം.എ. മഹമ്മൂദ്, രമേശ് പറമ്പത്ത്, സത്യൻ കേളോത്ത് എന്നിവർ സംസാരിച്ചു. രണ്ടാം ഘട്ടത്തിൽ ഏപ്രിൽ 18നാണ് മാഹിയിൽ െതരഞ്ഞെടുപ്പ് നടക്കുന്നത്. കോൺഗ്രസ് നേതൃത്വം നൽകുന്ന മുന്നണിയിൽ ഡി.എം.കെ, മുസ്ലിം ലീഗ്, സി.പി.ഐ, സി.പി.എം കക്ഷികളുടെ പിന്തുണയോടെയാണ് വൈദ്യലിംഗം പുതുച്ചേരിയിൽ മത്സരിക്കുന്നത്. ഇതിൽ മാഹിയിൽ സി.പി.എം ഇതുവരെ അനുകൂല നിലപാട് എടുത്തിട്ടില്ല.