സീഹോക്ക്, കോസ്മോസ് ക്രിക്കറ്റ് ക്ലബുകൾക്ക് ജയം

തലശ്ശേരി: ജില്ല ബി ഡിവിഷൻ ലീഗ് ക്രിക്കറ്റിൽ ധർമടം സീഹോക്ക് ക്രിക്കറ്റ് ക്ലബ് ഏഴ് വിക്കറ്റിന് മുഴപ്പിലങ്ങാട് വ ി.പി.ആർ ക്ലബിനെ പരാജയപ്പെടുത്തി. ആദ്യം ബാറ്റ്ചെയ്ത വി.പി.ആർ ക്ലബ് നിശ്ചിത 20 ഓവറിൽ ആറ് വിക്കറ്റ് നഷ്ടത്തിൽ 137 റൺസെടുത്തു. മറുപടിയായി സീഹോക്ക് ക്രിക്കറ്റ് ക്ലബ് 17.1 ഓവറിൽ മൂന്ന് വിക്കറ്റ് നഷ്ടത്തിൽ വിജയലക്ഷ്യം നേടി. പുറത്താകാതെ 58 റൺസും ഒരു വിക്കറ്റും നേടി സീഹോക്ക് ക്രിക്കറ്റ് ക്ലബ് താരം ജിബിൻ ജയൻ കളിയിലെ കേമനായി. രണ്ടാം മത്സരത്തിൽ തലശ്ശേരി കോസ്മോസ് ക്രിക്കറ്റ് ക്ലബ് തലശ്ശേരി വാലിയൻറ് ക്രിക്കറ്റ് ക്ലബിനെ മൂന്ന് വിക്കറ്റിന് പരാജയപ്പെടുത്തി. ആദ്യം ബാറ്റ്ചെയ്ത വാലിയൻറ് ക്രിക്കറ്റ് ക്ലബ് 19.3 ഓവറിൽ 79 റൺസിന് എല്ലാവരും പുറത്തായി. മറുപടിയായി കോസ്മോസ് ക്രിക്കറ്റ് ക്ലബ് 14.4 ഓവറിൽ ഏഴ് വിക്കറ്റ് നഷ്ടത്തിൽ വിജയലക്ഷ്യം നേടി. 21 റൺസെടുത്ത് കോസ്മോസ് ക്രിക്കറ്റ് ക്ലബ് താരം എ.സി.എം. ഫിജാസ് അഹമ്മദ് കളിയിലെ താരമായി. ചൊവ്വാഴ്ച ആദ്യമത്സരത്തിൽ തലശ്ശേരി ബി.കെ 55 അക്കാദമി, കമ്പിൽ അപ്പാച്ചി ക്രിക്കറ്റ് ക്ലബിനെയും രണ്ടാം മത്സരത്തിൽ കൊടുവള്ളി ജനുവിൻ െഗയ്സ് ക്രിക്കറ്റ് ക്ലബ്, തലശ്ശേരി മാസോയെയും നേരിടും.