തുരുത്തി കോളനിവാസികളുടെ സമരം: കെ. സുധാകരൻ സമരപ്പന്തലിലെത്തി

പാപ്പിനിശ്ശേരി: കണ്ണൂർ ലോക്സഭ മണ്ഡലം യു.ഡി.എഫ് സ്ഥാനാർഥി കെ. സുധാകരൻ വെള്ളിയാഴ്ച പാപ്പിനിശ്ശേരി തുരുത്തി കോളന ി നിവാസികളുടെ കുടിൽകെട്ടി സമര പ്പന്തലിലെത്തി സമരത്തിന് ഐക്യദാർഢ്യം പ്രകടിപ്പിച്ചു. തുരുത്തി കോളനിയിൽ വീടുകൾ പൊളിക്കാതെ ദേശീയപാത നിർമിക്കാൻ സൗകര്യം നിലനിൽക്കുമ്പോൾ ആവശ്യമില്ലാത്ത വളവുണ്ടാക്കി 29 വീടുകൾ പൊളിക്കുന്ന നടപടിയിലേക്ക് നീങ്ങിയ സർക്കാർ നടപടി അപലപനീയമാണെന്ന് സുധാകരൻ പറഞ്ഞു. കെ.പി.സി.സി ഭാരവാഹി കെ. പ്രമോദ്, ഡി.സി.സി ജനറൽ സെക്രട്ടറി രാജീവൻ എളയാവൂർ, കെ. ബാലകൃഷ്ണൻ, കൂക്കിരി രാജേഷ്, റഷീദ് കവ്വായി, ടി.കെ. അജിത്ത്, കെ.പി. റഷീദ്, സി.പി. റഷീദ്, പി. ചന്ദ്രൻ, എം.സി. ദിനേശൻ, എം. അബ്ദുറഹ്മാൻ തുടങ്ങിയവർ സ്ഥാനാർഥിയെ അനുഗമിച്ചു.