അംഗൻവാടി ഫെസ്​റ്റ്​

തലശ്ശേരി: കൊടുവള്ളി ഗവ. വി.എച്ച്.എസ്.എസ് അക്കാദമിക് മാസ്റ്റര്‍പ്ലാന്‍ പ്രകാരം അയല്‍പക്ക സൗഹൃദ വിദ്യാലയ പദ്ധതി യുടെ ഭാഗമായി ഇരുപതോളം അംഗൻവാടികള്‍ പങ്കെടുത്ത അംഗൻവാടി ഫെസ്റ്റില്‍ പാലയാട് വെള്ളൊഴുക്ക്്് അംഗൻവാടി ഓവറോള്‍ ചാമ്പ്യന്മാരായി. ഒലേശ്വരം അംഗനവാടി രണ്ടാം സ്ഥാനവും ചേറ്റംകുന്ന്്് അംഗൻവാടി മൂന്നാം സ്ഥാനവും നേടി. തലശ്ശേരി നഗരസഭ ചെയര്‍മാന്‍ സി.കെ. രമേശന്‍ ഫെസ്റ്റ് ഉദ്ഘാടനം ചെയ്തു. നഗരസഭാംഗം പി.പി. സാജിത അധ്യക്ഷതവഹിച്ചു. ഹെഡ്്്്മാസ്റ്റര്‍ കെ. പവനന്‍, പി.ടി.എ പ്രസിഡൻറ് കെ. സുനില്‍, സീനിയർ അസി. കെ.പി. സുനില്‍കുമാര്‍, എം.പി.ടി.എ ചെയർപേഴ്സൻ ശൈലജ, സ്റ്റാഫ് സെക്രട്ടറി പി.കെ. ഫൈസല്‍ എന്നിവര്‍ സംസാരിച്ചു. ഐ.സി.ഡി.എസ് ഓഫിസര്‍ ഷെര്‍ളി വിജയികള്‍ക്കുള്ള ട്രോഫികളും പി.ടി.എ വൈസ് പ്രസിഡൻറ് ഹരിദാസൻ മറ്റു സമ്മാനങ്ങളും വിതരണംചെയ്തു.