വേലായുധൻ മൊട്ടയിൽ പുതിയ കുഴൽക്കിണർ നിർമിക്കും

ന്യൂ മാഹി: കുടിവെള്ളക്ഷാമം പരിഹരിക്കാൻ പെരിങ്ങാടി വേലായുധൻ മൊട്ടയിൽ പ്രവർത്തന രഹിതമായിക്കിടക്കുന്ന കുഴൽക് കിണർ മാറ്റി പുതിയത‌് സ്ഥാപിക്കുമെന്ന‌് സന്നദ്ധസംഘടനയായ കൈത്താങ്ങ് പെരിങ്ങാടി അറിയിച്ചു. വർഷങ്ങൾക്ക‌് മുമ്പാണ‌് കുഴൽക്കിണർ കുഴിച്ചത്. പ്രദേശവാസികൾ ഏറെ ആശ്രയിച്ചിരുന്ന കിണർ അറ്റകുറ്റപ്പണി നിർവഹിക്കാത്തതിനാൽ കാലക്രമേണ നശിക്കുകയായിരുന്നു. ഈ സാഹചര്യത്തിലാണ‌് കൈത്താങ്ങ‌് പെരിങ്ങാടി പുതിയ കിണർ കുഴിച്ച‌് കുടിവെള്ളവിതരണം സുഗമമാക്കാൻ മുന്നോട്ടുവന്നത‌്. പുതിയ കുഴൽക്കിണർ കുഴിച്ച‌് ജലസംഭരണി സ്ഥാപിക്കും. ഇതിൽനിന്ന‌് ടാപ്പ‌ിലൂടെ കുടിവെള്ളവിതരണം സുഗമമാക്കാനാണ‌് പദ്ധതിയെന്ന‌് കൈത്താങ്ങ് ഭാരവാഹികൾ പറഞ്ഞു. ചെലവ് സംഘടന വഹിക്കുമെന്ന‌് ന്യൂ മാഹി പഞ്ചായത്ത‌് ഭരണസമിതിയെ അറിയിച്ചതായി ഭാരവാഹികളായ എസ‌്.കെ. മുഹമ്മദും ഷമീം അഹമ്മദും പറഞ്ഞു. കുഴൽക്കിണർ പ്രവർത്തനരഹിതമായി ജനങ്ങൾ കുടിവെള്ളക്ഷാമം അനുഭവിക്കുന്ന വാർത്ത കഴിഞ്ഞദിവസം 'മാധ്യമം' പ്രസിദ്ധീകരിച്ചിരുന്നു.