വനിത കോളജിൽ പരിശീലകരായി എൻ.എസ്.എസ് അംഗങ്ങൾ

കല്യാശ്ശേരി: ഗവ. വൊക്കേഷനൽ ഹയർസെക്കൻഡറി സ്കൂളിലെ എൻ.എസ്.എസ് വളൻറിയർമാർ കണ്ണൂർ കൃഷ്ണമേനോൻ മെമ്മോറിയൽ ഗവ. വനിത കോളജിൽ ഇലക്ട്രോണിക്സ് കോഴ്സിൽ പരിശീലനം നൽകി. എൽ.ഇ.ഡി ബൾബ് നിർമാണ സർട്ടിഫിക്കറ്റ് കോഴ്സാണ് എൻ.എസ്.എസ് യൂനിറ്റ് ഏറ്റെടുത്ത് പരിശീലനം നൽകുന്നത്. ഉദ്ഘാടനം കൃഷ്ണമേനോൻ മെമ്മോറിയൽ വനിത കോളജ് പ്രിൻസിപ്പൽ ഡോ. പി.കെ. റജുല നിര്‍വഹിച്ചു. ഫിസിക്സ് വിഭാഗം മേധാവി പി.കെ. അയിഷാബി, കല്യാശ്ശേരി സ്കൂൾ എൻ.എസ്.എസ് പ്രോഗ്രാം ഓഫിസർ ടി.പി. റഹീം, ആഡ് ഓൺ കോഴ്സ് കോഓഡിനേറ്റർ പി. ലനീഷ്, പി. ശ്യാംജിത്ത് എന്നിവർ പങ്കെടുത്തു.