പഠനോത്സവം

പെരിങ്ങത്തൂർ: കരിയാട് ന്യൂ മുസ്ലിം എൽ.പി സ്കൂളിൽ പാനൂർ നഗരസഭ കൗൺസിലർ പി.കെ. സൗമിനി ഉദ്ഘാടനം ചെയ്തു. എം.ടി.കെ. ശശി അധ്യക്ഷത വഹിച്ചു. സുബിന, ബാലകൃഷ്ണൻ, പ്രഭാകരൻ, റഷീദ്‌ മാളിയിൽ, കെ. കുമാരൻ എന്നിവർ സംസാരിച്ചു. എം. പത്മജ സ്വാഗതവും വി. പ്രദീപ് കുമാർ നന്ദിയും പറഞ്ഞു. ഒളവിലം രാമകൃഷ്ണ ഹൈസ്കൂളിൽ എൽ.പി വിഭാഗം വിദ്യാർഥികൾ മൺചിരാത് കൊളുത്തി നിർവഹിച്ചു. പ്രദീപൻ കോട്ടേമ്മൽ അധ്യക്ഷത വഹിച്ചു. ദീപക് തയ്യിൽ, ഷംന ഗോകുൽദാസ്, എം.കെ. വിശ്വൻ, പി. സാജു എന്നിവർ സംസാരിച്ചു. ബി. സുജിത്ത് നന്ദി പറഞ്ഞു. ചൊക്ലി രാമവിലാസം ഹയർസെക്കൻഡറി സ്കൂളിലെ പഠനോത്സവത്തോടനുബന്ധിച്ച് സ്കൂളിന് സമീപത്തെ ഏതാനും വീടുകളിലെ വിവിധയിനം മണ്ണുകൾ ശേഖരിച്ച് ഗുണപരിശോധന നടത്തി. പി.ടി.എ പ്രസിഡൻറ് വി. ഉദയൻ അധ്യക്ഷത വഹിച്ചു. ചൊക്ലി ഗ്രാമപഞ്ചായത്ത് പ്രസിഡൻറ് വി.കെ. രാകേഷ് ഉദ്ഘാടനം നിർവഹിച്ചു. ഇ.വി. വത്സൻ മാസ്റ്റർ വിശിഷ്ടാതിഥിയായിരുന്നു. ചൊക്ലി ഉപജില്ല വിദ്യാഭ്യാസ ഓഫിസർ പി.പി. വിനോദ് കുമാർ ഉപഹാര സമർപ്പണം നടത്തി. പി. സുമേഷ് റിപ്പോർട്ട് അവതരിപ്പിച്ചു. ബ്ലോക്ക് പഞ്ചായത്ത് മെംബർമാരായ ഷമീമ, കെ.എം. സപ്ന, വാർഡ് മെംബർ എൻ.എസ്. ഫൗസി, കെ. പ്രസീദ് കുമാർ, ഡെപ്യൂട്ടി എച്ച്.എം കെ.എം. സുരേഷ് ബാബു, എസ്.ആർ.ജി കൺവീനർ ഇ.കെ. പ്രദീപൻ, ടി.പി. ഗിരീഷ് കുമാർ എന്നിവർ സംസാരിച്ചു.