ബോധവത്​കരണ ക്ലാസ്

കണ്ണൂർ: സാമൂഹികനീതി-വനിത ശിശു വികസന വകുപ്പ് ഭിന്നശേഷിയുള്ളവരുടെ രക്ഷകര്‍ത്താക്കള്‍ക്ക് ബോധവത്കരണ പരിപാടി നടത്തി. സാമൂഹികനീതി-വനിത ശിശുവികസന വകുപ്പ് മുഖേന ഭിന്നശേഷിയുള്ളവര്‍ക്കായി നടപ്പിലാക്കുന്ന പദ്ധതികളെയും ആനുകൂല്യങ്ങളെയും കുറിച്ച് രക്ഷിതാക്കള്‍ക്ക് അവബോധം നല്‍കുന്നതിനായാണ് പരിപാടി. ജില്ല ലീഗല്‍ സര്‍വിസസ് അതോറിറ്റി സബ് ജഡ്ജി സി. സുരേഷ് കുമാര്‍ ഉദ്ഘാടനം ചെയ്തു. റിട്ട. ലഫ്. ജനറല്‍ വിനോദ് നായനാര്‍ അധ്യക്ഷത വഹിച്ചു. സ്റ്റേറ്റ് നോഡല്‍ ഏജന്‍സി സ​െൻറര്‍ സംസ്ഥാന കോഒാഡിനേറ്റര്‍ ഡി. ജേക്കബ്, ലീഗല്‍ അഡ്വൈസര്‍ ജമീല്‍ അഹമ്മദ്, എം.പി. കരുണാകരന്‍ എന്നിവര്‍ ക്ലാസെടുത്തു. ജില്ല സാമൂഹിക നീതി ഓഫിസര്‍ കെ. രാജീവന്‍, ആര്‍.പി. വിനോദ് എന്നിവര്‍ സംസാരിച്ചു.